Għeżież Ġenituri/Kustodji,
Issa li wasalna lejn l-aħħar tas-sena skolastika, aħna bħala skola nidħlu fil-proċess li nevalwaw kif morna matul din is-sena u niddiskutu flimkien x’nistgħu nagħmlu biex is-sena li ġejja tkun aħjar minn din.
Parti minn dan il-proċess huwa li niġbru l-fehmiet tagħkom dwar din is-sena skolastika fil-kwestjonarji li ħloqna apposta għalikom il-ġenituri/kustodji . Il-kwestjonarju mhux twil ħafna u għalhekk mhux suppost li jieħu ħafna ħin. Inħeġġukom ħafna sabiex issibu ftit ħin u tgħaddulna l-kummenti tagħkom. Dawn huma l-links tal-kwestjonarji, dejjem skont il-klassi tat-tifel/tifla tagħkom:
Kwestjonarju tal-Kinder
Kwestjonarju tal-Yr1,2,3
Kwestjonarju tal-Yr4,5,6
Importanti li jimtela kwestjonarju wieħed biss għal kull tifel jew tifla, skont f’liema sena qegħdin. Jekk mhix problema, dawk il-ġenituri li għandhom tfal li jaqgħu f’kategoriji differenti kif imsemmija hawn fuq (eż: tifel fil-kinder u tifla fil-Yr 2), nitolbuhom biex jimlewhom it-tnejn. Dan lilna jgħinna ħafna fejn tidħol statistika u biex nindirizzaw diffikultajiet li jkunu jaffettwaw lil ċertu snin imma lil snin oħra le.
Grazzi ħafna tal-kooperazzjoni tagħkom.